القاعده الاساسية اللى اتبنت عليها اطلاس انها تعمل وصل ما بين الاعلانات والاجهزة المختلفة اللى بيستخدمها المستخدم العادي زى الموبايل والتابلت
لان الناس دلوقتي بقت بتستخدم اجهزة متنوعة على مدار اليوم فطريقة تعاملهم مع الاعلانات اختلفت عن الاول لان زمان كان استخدامه بيكون من الكومبيوتر بس
وده طبعا هيبان بالنسبة للمعلنين فى انشاء الحملات او الاحصائيات
اما عن الناشرين ف اطلاس هتستهدف الناشرين اللى عندها محتوي جيد بمعني انهم اعلنوا
ان شبكتهم مش هتكون مفيدة للناس اللى كل همها الربح وبس بغض النظر عن المحتوي اللى بيقدمه او مدي افادته للزائر (هتطيرهم بمعنى اصح )
اما بالنسبة للتغييرات التقنية فاعلنوا عن شكل جديد متطور للكود وان الكود هيدعم احصائيات تفصيلية اكتر
مش بس كود لاظهار الاعلانات بدون تفاصيل عن اللغه المعتمد عليها الكود او اختلافه عن كود ادسنس او اي شركة تانية
اما عن شكل الاعلانات عندهم فقالوا انها هتخدم بشكل كبيرة واجهه تجربة المستخدم على عكس الشكل التقليدي
وده حسيناه فعلا مع جوجل ادسنس لو حبيت تعمل تصميم متجاوب او طريقة تحكمك فى شكل اعلانات ادسنس مش سلس ولازم تكون محتاج خبرة تكويدية
واعلنت اطلاس (شبكة فيس بوك) عن شراكة مع شركة Omnicom ودى من اكبر شركات الاعلانات والتسويق فى العالم ومركزها الرئيسي نيويورك
والله هيولع الموضوع اكتر ان Pepsi و Intel من عملاء شركة Omnicom وده معناه ان اعلانات Pepsi و Intel هتكون من اول الاعلانات اللى هتظهر فى الشبكة الجديدة
لسه متحددش معاد فتح باب الانضمام للناشرين والمعلنين عشان يشتركم فى شبكة الفيس بوك الجديدة
ولكن ان شاء الله احنا متابعين دائما
نزل فيديو تقديمى عن اطلاس (شبكة فيس بوك ) وهنزله ان شاء الله النهارده ع صفحتنا ع الفيس توك
لايك وشير عشان غيرك يستفيد وكله يعرف شبكة فيس بوك
عايزين نعرف رايكم عن التفاصيل اللى قولنها وهل فعلا فيس بوك هيضرب ضربة قوية لادسنس ؟!
